2010-07-29 - 11:35:20

Pranga 5 zyrtarëve të Punësimit në Kurbin

Pesë zyrtarë të Zyrës së Punësimit në Kurbin kanë përfunduar në pranga të akuzuar për shpërdorim detyre,m vjedhje e falsifikim. Sipas prokurorisë së rrethit

mësohet se janë ndaluar ish drejtori i Zyrës Vendore të Punësimit në Kurbin dhe 2 ish specialistë të kësaj zyre, pasi akuzohen se në bashkëpunim me njëri-tjetrin gjatë vitit 2008 dhe 2009 kanë krijuar dosje fiktive të papunësisë për rreth 85 persona.


"Gentjan Rukaj, ish drejtor i i zyrës vendore të punësimit Kurbin, Mirjeta Frrokaj me detyrë ish specialiste e pagesës së papunësisë, Bledar Cufaj, me detyre ish specialist i shërbimeve në këtë zyrë"- thuhet në njoftimin e prokurorisë, ku shtohet se bashkë me ta janë arrestuar edhe Klaudiana Rasha dhe Gjon Sevgjini.


Sipas tij, të akuzuarit kanë ushtruar detyrën e tyre në zyrën e punësimit në Kurbin nga fundi i vitit 2007 deri në Maj te vitit 2009. Sipas të njëjtit burim, procedimi ndaj tyre nisi një vit më parë pas denoncimit në media për shkelje në këtë zyrë.


Pas hetimit të bërë rezultoi se të ndaluarit i kane shkaktuar një dëm ekonomik shtetit në shumën prej 6 000 000 lekë të reja./sh.k/amc