2010-07-27 - 11:32:06

Humar: Zgjidhja e emrit, pastaj në NATO

Ftesa për anëtarësim në NATO pret vetëm zgjidhjen e kontestit me emrin, thotë shefi i ekipit këshilldhënës i Alencës në Maqedoni, David Humar, në një intervistë për Radion Evropa e Lirë.

Humar thekson se reformat nuk janë arritje e njëhershme dhe se duhet të jenë proces i vazhdueshëm, por se kjo ka të bëjë me vendet tjera, e veçanërisht me anëtaret e reja.

"Zgjidhja e shpejtë e kontestit me emrin është kyçe për marrjen e ftesës për anëtarësim në NATO", thotë Humar.

Ai nuk beson se rritja e tensioneve të Kosovës mund ta destabilizojë Maqedoninë. "Në raport me sigurinë e rajonit ishin ndërmarrë hapa të rëndësishëm para.

Ftesa e cila ishte dërguar nga NATO deri te vendet nga rajoni është njëra nga këto hapa. Vendi juaj është në prag të Aleancës, ndërsa proceset janë në vijim në Malin e Zi dhe Bosnjën.

Kur njëherë ky proces do të përfundojë dhe të gjitha vendet ballkanike do të jenë atje ku takojnë, në familjen euroatlantike, jam i sigurtë se çështjet në lidhje me sigurinë më nuk do të jenë në krye të axhendës.

Ndërsa kjo ditë, nga pikëvështrimi im, nuk është larg", thotë shefi i ekipit këshilldhënës të Aleancës në Maqedoni.

Humar shton se është i bindur se mbështetja e qytetarëve të Maqedonisë për anëtarësimin në NATO nuk zvogëlohet dhe bind se Aleanca do të vazhdojë ta përkrahë Maqedoninë, si në reformat e mbrojtjes, ashtu edhe në reformat e tjera./lajm/amc