2010-03-10 - 12:51:21

Vizitohen të burgosurit, sot gjykimi

Sot, më 10 Mars 2010, në Gjyqin e qarkut në Beograd vazhdon gjykimi kundër nëntë, përkatësisht shtatëmbëdhjetë shqiptarëve nga Lugina e Preshevës nën akuzën

për krime lufte ndaj serbëve, romëve e ndonjë shqiptari spiun. Aktakuzën kundër tyre e ka ngritur Prokuroria për krime lufte e Republikës së Serbisë dhe gjykimi ka filluar në datën 23 Shtator 2009.

Trupi gjykues nën udhëheqjen e gjykatëses Snezhana Nikoliq Garotiq për sot ka paralajmëruar dëshmitarin kryesor e që në Aktakuzë quhet dëshmitari bashkpunëtor “Bozhur 50”, shqiptar nga komuna e Preshevës.

Enkas për këtë që të nëntë të burgosurit u vizituan sot nga Orhan Rexhepi, Kryetar i LKSH-së, Agim Dalipi, Sekretar  dhe Avni Nuhiu, anëtar i kryesisë së PDSH-së./kosovaere.ch/Albanian Media Center