2010-03-09 - 16:54:10

AKR: Qeveria të ketë kujdes me NATO-n

Aleanca Kosova e Re, me shqetësim të madh është duke përcjell situatën e krijuar, e cila çoi deri te ndërprerja e bashkëpunimit në mes të KFOR-it dhe FSK-së.

“AKR-ja, i rekomandon Qeverinë e Republikës së Kosovës, KFOR-in dhe Zyrën Civile Ndërkombëtare, që sa më parë të ulen dhe të zhvillojnë bisedat për tejkalimin e mosmarrëveshjeve dhe rifillimin e bashkëpunimit të institucioneve në fjalë, në të kundërt kjo gjendje e krijuar do të ndikojë negativisht në uljen e imazhit të FSK-së dhe shtetit të Kosovës brenda dhe jashtë vendit”, ka thënë Shefki Abdullahu, anëtar i Kryesisë së AKR-së, në një konferencë për media të mbajtur të martën.

AKR-ja, siçu shpreh Abdullahu, sugjeron Qeverinë e Republikës së Kosovës, që të jetë e kujdesshme në bashkëpunim me NATO-n dhe Bashkimin Evropian, sepse është në interes të përbashkët të zhvillimit, integrimit dhe anëtarësimit të Republikës së Kosovës në struktura euro-atlantike. /kosovaere.ch/Albanian Media Center